دمعه قبرها خدي

هذه كلمات مسروقه من دفتر طفل كتبها بعامية اللغه..ودهشة السؤال.!

السبت:

فتحت عيوني..أدور عن نور..أمروني:<غمض>..و...غمضت..بعدها ما شفت لا ابيض ولا اسود!

الأحد:

كنت أسمعهم يقولون:<ألعن أبوك!>,<يا حمار>,<يا حيوان>, <يا ثور>,<يا بقرة>,<يا لوح>,<يا جدار>...فتوقعت اني في حديقة حيوانات..فتحت عيوني ابغى اشوف ها(الحيوانات)..قالوا لي:"ما يصلح تشوف قلة أدب"..سألتهم:طيب..في عصفور؟؟
صرخوا في وجهي:<انطم وغمض>..!!

الاثنين:

سمحوا لي اشوف التلفزيون..كنت لحالي منسجم مع أفلام كرتون..دخلت امي..وكان ابو عائلة ادمز(يبوس) أمهم..ركضت امي ..غيرت القناة..وصرخت بأعلى صوتها.."عيب عليك..قاعد تشوف قلة أدب..!!"ناظرتها بكل براءه وانا متعجب من اللي صار:"طيب وش صار؟؟أبوهم يبوس أمهم!.."قالت لي وهي معصبه مرررررررررررره(التبويس..قلة حياء!!)
بعدها بأسبوع..شفت امي تسلم على ام الجيران و(تبوووووسها)..قلت لها وانا كلي أسى"يا ماما..التبويس قلة حياء!!.."

الثلاثاء:

كانوا بنات خالتي عندنا..وكنت الولد الوحيد اللي يلعب معهم..وأبوي بس يبحلق عيونه فيني وين ما رحت ووين ما جيت..بعد ما راحوا..ناداني أبوي وقال:"عيب الواحد يجلس مع بنات..قلة أدب..!"
بعدها بكم يوم..كان أبوي جالس مع عماتي..ناظرته بطرف عين(وتبون الصدق نقدت عليه)..وقلت له:"اللي يجلس مع بنات..قليل أدب!!"

الأربعاء:

كنت اسمعهم يقولون(صدام قوي)..وأعجبني...بعد الأزمه..قالوا(حرامي ومجرم)..سألتهم:كيف؟؟!!..قالوا:"حرامي ومجرم..وبس..واسكت..!"
وكنت أسمعهم بعد يقولون (جيم كاري..فاسد)..فكرهته على طول..وكانوا يشوفون أفلامه..ويضحكووووووون..كنت أسألهم"ليه تضحكون؟!..ما تقولون انه فاسد"...قالوا..ورا ما تنطم بس.!؟؟

الخميس:

أبوي يقول<التتن>حرام.. واللي يدخن يدخل النار..وفي يوم شفت ابوي جالس مع صديقه أبو حمد..وأبو حمد ماسك السيجاره بيده..وقفت وسألت ابوي""طيب اللي يجلس مع اللي يدخنون..يدخل النار بعد؟!!!

الجمعة:

أسمعهم يقولون..ان اللي يطول في مكالمته يغازل..واللي يروح للسوق يغازل..واللي يعرف انترنت يغازل...وامي تطول على التلفون,,وتروح للسوق,,وتطقطق على الكمبيوتر..
رحت لأبوي وانا مصدوووووووووم::"أبووووووووي الحق.............أمي تغازل

عسى ما مرت الدمعة على أهدابك من أسبابي
جرحتك من كثر شوقي وخليت الكلام رماح

ولا أدري شلون يا عمري طعنتك حيل بعتابي
بدون شعور صدقني ترى كثر الغلا ذباح

تعال وشوف بغيابك غلاك شلون سوابي
حرام تغيب من عمري وتعطيني الفراق وشاح

حرام الدمع في عيني مناديله هي اهدابي
غيابك يشعل عيون الزوايا وأمتلي أشباح

وأنا أنثر صوتك بقلب المكان واشعل أبوابي
تلفت للأمل دام الرجا في عمري الملواح

أناديلك ولو شرهة وصولك تقطع أعصابي
أبيك الجاي من عمري أنا ما أبيك شي وراح

مدامك أجمل وأخر مدامك أول أحبابي
أبي أرتاح يا عمري أنا أدري هم تبي ترتاح

تعال وقبل ما أفرح ترى تفرح بك ثيابي
أحبك يا بعد عمر الحزن والجرح والأفراح 
 

صح لسااان شااعرها  

               خــــــانــك إحساسك             

نويت انساك وانسى اسمك واعيش بعالم النسيان...

وأهاجر واتركك للي خدعتيني على شانه.

خسرتي كل شي انتي.. خسرتيني وانا الكسبان...
عرفت وشفت بالدنيا صحيح قلوب خوّانه.

عـرفتك وانكـشف طبـعك.. لقيـتك للـغـدر عــنـوان...
لي الله.. عنك يغنيني..الاقي غيرك انسانه.

تصـافـيني وتـخـلص لـي ولاتـرضى بـكـل انـسان...
وانا بالصدق اعاهدها بعهد الله وايمـانه.

نعيـش ونـرسـم الفـرحه على كـف الزمن بالــوان...
ونبني للفرح قصر يسمى الحب عنـوانه.

خـلاص إنسي وانـا بنسى حياة القهر والاحزان...
بعد ماخانك احساسك وخنتيني على شانه

صح لسان شاعرها .